යසංග මහවිතාන
ශුද්ධෝත්තම ෆ්‍රැන්සිස් පාප් වහන්සේගේ දේහය පිළිබඳ අවසන් කටයුතු උන් වහන්සේගේ අවසන් කැමැත්තට අනුව මෙම 26 වනදා සිදු කිරීමට නියමිතය.උන් වහන්සේ සිය අවසන් කැමති පත්‍රය සකස් කර තිබුණේ 2022 වර්ෂයේය.
සාමාන්‍යයෙන් පාප් වරයෙකුගේ අවමංගල කටයුතු වඩාත් විචිත්‍රවත්ව සාම්ප්‍රදායිකව සිදුකෙරුණත් ෆ්‍රැන්සිස් පාප් වහන්සේ පළකළ අභිමතය පරිදි උන් වහන්ගේ අවමංගල කටයුතු වඩාත් සරලව සිදුකිරීමට සැලසුම් කර තිබේ.
පාප් වරයෙකුගේ අවමංගල්‍ය කටයුතු උත්කර්ෂවත් ලෙස සිදුකිරීම සම්ප්‍රදායයි. මෙතෙක් සිටි සෑම පාප් වහන්සේවරයෙක්ම මිහිදන් කිරීමට සයිප්‍රස්, ඊයම් සහ ඕක්වලින් සෑදු මිනී පෙට්ටි භාවිත කරන ලදී. එහෙත් ෆ්‍රැන්සිස් පාප් වහන්සේ ඉල්ලා සිටියේ සින්ක්වලින් ආවරණය කළ සරල ලී පෙට්ටියක් බහා තමන් මිහිදන් කරන ලෙසය.උන්වහන්සේගේ අවසන් කැමැත්ත පරිදිම අවමංගල උත්සවය වඩාත් සරල හා චාම්ව සිදු කිරීමට සැලසුම් කර තිබේ.
ශාන්ත පීතර බැසිලිකාවේ මහජන ප්‍රදර්ශනය සඳහා පාප් වහන්සේගේ දේහය උස් වේදිකාවක් මත තැබීමේ සම්ප්‍රදාය ද උන්වහන්සේ විසින් පිටු දැක ඇත .
අවසන් කැමති පත්‍රයට අනුව සියවසකට අධික කාලයක් තිස්සේ පැවති සම්ප්‍රදාය වෙනස් කරමින් ෆ්‍රැන්සිස් පාප් වහන්සේගේ දේහය මිහිදන් කිරීමට නියමිතව ඇත්තේ උන් වහන්සේ වඩාත් ප්‍රිය කළ රෝමයේ ශාන්ත මරියා මැජියෝරේ බැසිලිකාවේ දී ය.
වටිකානුවට අයත් ශාන්ත මරියා මැජියෝරේ බැසිලිකාව වතිකාන භූමියෙන් පිටත, ඉතාලියේ රෝම අගනුවර ටර්මෙනි ප්‍රධාන දුම්රියපොළ අසළ පිහිටා ඇත.
– උපුටා ගැනීම –
“මගේ මෙලොව ජීවිතයේ ළඟා වන සන්ධ්‍යාව මට දැනෙන අතර, සදාකාලික ජීවනය පිළිබඳ ස්ථිර බලාපොරොත්තුවක් ඇතිව, මගේ භූමදාන ස්ථානය සම්බන්ධයෙන් පමණක් මගේ අවසාන කැමැත්ත ප්‍රකාශ කිරීමට මම කැමැත්තෙමි.
මගේ ජීවිත කාලය පුරාම සහ පූජකයෙකු සහ බිෂොප්වරයෙකු ලෙස මගේ දේවසේවය අතරතුර, මම සැමවිටම අපගේ ස්වාමීන් වන භාග්‍යවත් කන්‍ය මරිය තුමියගේ මවට මා භාර දී ඇත්තෙමි. මේ හේතුව නිසා, මගේ මරණීය දේහය – නැවත නැඟිටීමේ දිනය එනතුරු බලා සිටින ලෙස මම ඉල්ලා සිටිමි .
මගේ අවසාන ජීවන ගමන මෙම පුරාණ මේරියන් අභයභූමියෙන් අවසන් වේවායි මම ප්‍රාර්ථනා කරමි, එහිදී මම සෑම අපෝස්තලික ගමනකම ආරම්භයේ සහ අවසානයේ යාච්ඤා කිරීමට සැමවිටම නතර වනු ඇත, නිර්මල මවට විශ්වාසයෙන් මගේ අභිප්‍රායන් භාර දී, ඇගේ මෘදු හා මාතෘ රැකවරණය ස්තූතිවන්තව සිදුකරමි.
පෝලීන් දේවස්ථානය (සාලස් පොපුලි රොමානි දේවස්ථානය) සහ බැසිලිකාවේ ස්ෆෝර්සා දේවස්ථානය අතර පැති අන්තරාලයේ ඇති සුසාන භූමියේ මගේ සොහොන් ගෙය සකස් කරන ලෙස මම ඉල්ලා සිටිමි.
සොහොන් ගෙය පොළොව මත පිහිටා තිබිය යුතුය; සරල, විශේෂ සැරසිලි නොමැතිව, ශිලා ලේඛනය පමණක් දරන්නක් විය යුතුය – ෆ්‍රැන්සිස්කස්.
භූමදානය සකස් කිරීමේ පිරිවැය, දානපතියෙකු විසින් සපයන ලද මුදලකින් දරනු ලබන අතර, එය ශාන්ත මේරි මේජර්ගේ පාප්තුමාගේ බැසිලිකාවට මාරු කිරීමට මා කටයුතු කර ඇත.
මේ සම්බන්ධයෙන් අවශ්‍ය උපදෙස් මම ලයිබීරියානු බැසිලිකාවේ අතිවිශේෂ කොමසාරිස් කාදිනල් රෝලන්ඩස් මැක්‍රිකාස් වෙත ලබා දී ඇත.
මට ආදරය කළ සහ මා වෙනුවෙන් දිගටම යාච්ඤාකරන සැමට ස්වාමීන් වහන්සේ සුදුසු ප්‍රතිඵල ලබාදෙත්වා. මගේ ජීවිතයේ අවසාන කොටසේ සනිටුහන් කළ දුක් වේදනා, ලෝකයේ සාමය සහ ජනතාව අතර සහෝදරත්වය සඳහා මම ස්වාමීන් වහන්සේට පුද කරමි.”
– උපුටා ගැනීම අවසන් –
කිතුනු බැතිමතුන් මෙන්ම අන්‍යාගමිකයන් ද හඬවා නික්ම යන ශුද්ධෝත්තම ෆ්‍රැන්සිස් පාප් වහන්සේගේ අවසන් කැමැත්ත එයයි.
