ලක්මිණි නදීෂා – කොළඹ
2025 ලෝක සතුට වාර්’තාවේ ශ්‍රී ලංකාව 133 වන ස්ථානයට වැටී ඇති අතර එය 2024 සංස්කරණයේ 128 වන ස්ථානයෙන් පහත වැටී ඇත
ගැලප් සහ එක්සත් ජාතීන්ගේ තිරසාර සංවර්’ධන විසඳුම් ජාලය සමඟ එක්ව ඔක්ස්ෆර්’ඩ් විශ්ව විද්‍යාලයේ යහපැවැත්ම පර්’යේෂණ මධ්‍යස්ථානය විසින් ඊයේ (20) ප්‍රකාශයට පත් කරන ලද මෙම වාර්’තාව, රටවල් 147 කින් ස්වයං – වාර්’තා කරන ලද තක්සේරු කිරීම් මත පදනම්ව සමාජ හරහා සමස්ත සතුට මැනීම සඳහා සෞඛ්‍යය, ධනය, නිදහස, ත්‍යාගශීලීභාවය සහ දූෂණයෙන් නිදහස් වීම ඇතුළු විවිධ සාධක ඇගයීමට ලක් කර තිබේ.
මේ වසරේ ෆින්ලන්තය අඛණ්ඩව ඉහළම ස්ථානයේ පසුවන අතර, ඉන් පසුව ඩෙන්මාර්’කය, අයිස්ලන්තය, ස්වීඩනය, නෙදර්’ලන්තය, කොස්ටාරිකාව, නෝර්වේ, ඊශ්‍රායලය, ලක්සම්බර්’ග් සහ මෙක්සිකෝව.
දර්’ශකයේ පහළම ස්ථානයේ ඇෆ්ගනිස්ථානය පසුවන අතර, පසුව සියෙරා ලියොන්, ලෙබනනය, මලාවි, සිම්බාබ්වේ, බොට්ස්වානා, කොංගෝ ප්‍රජාතන්ත්‍රවාදී ජනරජය, යේමනය, කොමරෝස් සහ ලෙසෝතෝ යන රටවල් ස්ථානගත වී ඇත.
එක්සත් ජනපදය 24 වන ස්ථානයට පත්ව ඇති අතර එය පසුගිය වසරට වඩා එක් ස්ථානයක් පහළින් පිහිටා තිබේ.
