ලක්මිණි නදීෂා
2023 වසරේ මාතර, වැලිගම ප්රදේශයේදී සිදුවූ වෙඩි ප්රහාරය සම්බන්ධයෙන් තමන්ව අත්අඩංගුවට ගන්නා ලෙස මාතර මහෙස්ත්රාත් අධිකරණය විසින් දී තිබෙන නියෝගයක් ක්රියාත්මක කිරීම වළක්වාලන අතුරු තහනම් නියෝගයක් නිකුත් කරන ලෙස ඉල්ලා හිටපු පොලිස්පති දේශබන්දු තෙන්නකෝන් මහතා විසින් ඉදිරිපත් කළ රිට් පෙත්සමක් අභියාචනාධිකරණය විසින් අද (17) නිෂ්ප්රභ කෙරුණි .
ඒ අනුව ඔහුව වහාම අත්අඩංගුවට ගෙන අධිකරණයට ඉදිරිපත් කිරීමට පියවර ගන්නා ලෙස විනිසුරු මඩුල්ල විසින් අපරාධ පරීක්ෂණ දෙපාර්තමේන්තුවට අද(17) නියම කළේය.
දේශබන්දු තෙන්නකෝන් මහතා විසින් ඉදිරිපත් කළ රිට් පෙත්සමක් පසුගිය 12 වනදා අභියාචනාදීකරණය හමුවේ සලකා බැලුණි.මේ අනුව එහි තීන්දුව අද පෙරවරුවේ ප්රකාශයට පත් කළ අභියාචනාදීකරණයේ වැඩ බලන සභාපති විනිසුරු මොහොමඩ් ලෆාර් තාහීර් සහ සරත් දිසානායක යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල පැවසුවේ අදාළ පෙත්සම විභාගයට ගැනීමකින් තොරව නිශ්ප්රභ කරන බවය.
