හේවාහැට චම්පික දසනායක
වාම ශ්‍රී දන්ත ධාතූන් වහන්සේ වැඳපුදා ගැනීමට දෙස් විදෙස් බැතිමතුන්ට ලබාදී තිබූ අවස්ථාව කලින් යොදාගත් පරිදිම අප්‍රේල් 27 වනදායින් අවසන්වන බව දියවඩන නිළමේ ප්‍රදීප් නිලංග දෑල බණ්ඩාර මහතා සඳහන් කරයි
දිවයිනේ නන් දෙසින් මහනුවර නගරයට පැමිණ සිටින ලක්ෂ සංඛ්‍යාත බැතිමතුන්ගේ සනීපාරක්ෂක පහසුකම් හා අනෙකුත් අවශ්‍යතා මෙන්ම මහනුවර හා අවට ප්‍රදේශයන්හි ඇතිව තිබෙන පාරිසරික ගැටළුව කලමනාකරණය කර ගැනීමේ පහසුව පිණිස අතිපූජ්‍ය මහානායක ස්වාමීන් වහන්සේලාගේ අනුශාසනා හා උපදෙස් පරිදි ජනාධිපති අනුර කුමාර දිසානායක මහතා සමග සිදුකළ සාකච්ඡාවකින් පසුව දළදා වන්දනාව කලින් දින නියම කරගත් ආකාරයෙන්ම අප්‍රේල් 27 වනදායින් අවසන් කිරීමට නියමිත බව දියවඩන නිළමේ වරයා වැඩිදුරටත් සඳහන් කරයි
දළදා වන්දනාව පැවති දින කිහිපය පුරාවට සැලසුම් කළ ප්‍රමාණයට වඩා වැඩි බැතිමතුන් පිරිසක් මහනුවරට පැමිණීම නිසා සැලකියයුතු පිරිසකට දළදා වහන්සේ වැඳපුදා ගැනීමේ අවස්ථාව මගහැරී ගිය බවද දියවඩන නිළමේ වරයා පැවසීය
