(නිමල් කොළඹිස්ස – මහනුවර)
ව්‍යාජ ලෙස සකස් කොට බෙදා හරින ලද යූරියා පොහොර, තොග වෙළඳ සැල් වෙත ලැබී ඇත්දැයි සිදුවන දීප ව්‍යාප්ත පරීක්ෂාවේ මහනුවර දිස්ත්‍රික් මෙහෙයුම් ජාතික පොහොර ලේකම් කාර්යාලයේ මෙහෙයවීමෙන් ආරම්භ විය.
ජාතික පොහොර ලේකම් කාර්යාලයේ මහනුවර දිස්ත්‍රික් ලේකම් කාර්යාලයට අනුබද්ධිත ඒකකයේ මැදිහත්වීම මත මහනුවර, මිනිපේ, හසලක, ගම්පොල, නාවලපිටිය සහ මාරස්සන ඇතුලු ප්‍රධාන නගර රැසක් කේන්ද්‍ර කොට මෙම පරීක්ෂා කිරීමේ දියත්වේ.
සියයට විසි එකක (21%) නයිට්‍රජන් පවතින පොහොර තොගයක් සියයට හතළිහක (40% )නයිට්‍රජන් ඇති බව සඳහන් කරමින් ප්‍රසිද්ධ ව්‍යාපාරික ආයතනය මළුවලට බහා පොහොර අලෙවි කිරීමක් පිළිබඳව සිදු කරන ලද වැටලීමක් අනුව දීප ව්‍යාප්තව මෙම පරීක්ෂා කිරීම් සිදුවේ.
ඒ අනුව ලබා ගන්නා ලද සාම්පල් ජාතික පොහොර ලේකම් කාර්යාලයේ ප්‍රධාන කාර්යාලය වෙත යොමු කිරීම ද මහනුවර ඒකකයේ මැදිහත්වීම මත අද සිදුවිය.
මහනුවර දිස්ත්‍රික් ලේකම් ඉන්දික උඩවත්ත මහතාගේ උපදෙස් පරිදි ජාතික පොහොර ලේකම් කාර්යාලයේ මහනුවර දිස්ත්‍රික් නියෝජ්‍ය අධ්‍යක්ෂ W.M.W.G.ආනන්ද මහතා ඇතුලු නියෝජ්‍ය අධ්‍යක්ෂවරුන් තිදෙනකුගෙන් සමන්විත කණ්ඩායමක මෙහෙයවීමෙන් මෙම පරීක්ෂා කිරීම් ක්‍රියාත්මකය.
